山田孝之成新一代賤男

山 田 孝 之 突 然 爆 出 一 名 私 生 子 ， 令 佢 賤 男 形 象 當 堂 無 所 遁 形 。 但 要 數 慘 情 ， 相 信 都 唔 夠 BB 親 生 媽 媽 大 山 千 穗 慘 。 獨 力 湊 大 個 仔 之 餘 ， 生 仔 期 間 仲 要 睇 住 山 田 同 新 歡 綾 瀨 遙 風 流 快 活 ， 認 真 無 陰 功 ！

最 新 一 期 《 FRIDAY 》 2 月 初 拍 到 定 居 日 本 中 部 、 從 事 模 特 兒 工 作 千 穗 ， 抱 住 囝 囝 外 出 用 膳 （ 右 圖 ） ， 同 行 只 有 佢 父 母 同 朋 友 。 對 於 記 者 提 問 ， 佢 好 有 決 心 咁 話 ： 「 呢 個 係 屬 於 我 一 個 人 寶 貝 ， 我 會 令 佢 好 幸 福 咁 長 大 成 人 。 」 據 朋 友 透 露 ， 佢 ○ 四 年 一 月 同 居 ， 自 去 年 一 月 得 知 千 穗 有 後 ， 山 田 即 時 走 佬 ， 千 穗 好 唔 開 心 ， 但 佢 最 後 都 決 定 要 個 BB ， 堅 強 生 活 落 去 。 我 e 夫 人 都 覺 得 母 愛 好 偉 大 ！

未 見 過 親 生 仔

但 當 千 穗 舊 年 十 月 就 快 生 陣 ， 山 田 原 來 搭 上 《 在 世 界 中 心 呼 喚 愛 》 拍 檔 綾 瀨 遙 。 佢 被 目 擊 惠 比 壽 翹 住 手 甜 蜜 拍 拖 ， 仲 試 過 深 夜 現 身 東 京 餐 廳 撐 腳 。 期 間 山 田 理 都 無 理 過 個 仔 ， 唔 好 話 見 同 抱 ， 連 計 個 仔 生 活 費 都 要 父 母 出 馬 ， 認 真 唔 負 責 任 。 話 時 話 ， 其 實 綾 瀨 遙 對 私 生 子 一 事 一 無 所 知 ， 千 穗 又 畀 佢 完 鬆 ， 山 田 呃 足 兩 個 女 人 ， 新 一 代 賤 男 非 佢 莫 屬 ！

2006/2/18 Oriental Daily